ULEGA AFUNGUA MATAWI MATATU YA WAPENZI NA WAKEREKETWA WA CCM

 

Mgombea Ubunge wa jimbo la Mkuranga ambaye pia ni Naibu Waziri wa Wizara ya Mifugo na Uvuvi Abdallah Ulega amesema iwapo CCM itashinda katika Uchaguzi Mkuu ujao itaweka daraja la Kifaulongo katika mto Mzinga bara bara inayounganisha watu wa Tambani na Mbande.

Akizungumza wakati wa kupiga Kampeni za uchaguzi Mkuu ujao katika kijiji cha Tambani Mkuranga mkoani Ulega amesema kero ya daraja hilo anaijua na tayali serikali imekwishapeleka fedha kwa matengenezo ya awali hivyo iwapo CCM itashinda atamaliza kutengeneza hata kumaliza kabisa kero hiyo.

Amesema mkakati wa kwanza baada ya oktoba 28 mwaka huu ni kushughulikia sehemu korofi katika barabara zote zenye matatizo ili ziweze kupitika majira zote katika mwaka.

Aidha akizungumzia ujenzi wa sekondari ya kata ya Tambani Ulega amesema iwapo CCM itashinda katika uchaguzi mkuu ujao atasimamia ujenzi wa sekondari hiyo na kuahidi kuchangia mifuko 300 ya sementi ya kuanzia ujenzi wa sekondari hiyo ya kata.

Hatahivyo mheshimiwa Ulega amefungua matawi matatu ya wapenzi na wakereketwa wa CCM katika mikutano hiyo pia wanachama wa wawili CHADEMA  na kuwakabidhi kadi mpya za CCM.