MBUNGE RIDHIWANI KIKWETE AFANYA ZIARA KATA YA MKANGE

Na Mwandishi wetu.

Mbunge wa Jimbo la Chalinze, Ridhiwani Kikwete ameendelea na ziara ya Kata kwa Kata ambapo ametembelea Kata ya Mkange Vijiji vya Matipwili, kitongoji cha Saadan Chumvi, Saadan kijijini na Kijiji cha Mkange akishukuru na kupokea kero za Wananchi.

Akiwasikiliza wananchi katika vijiji hivyo, wananchi hao walimweleza Mbunge changamoto nyingi zikiwemo za mipaka inayozunguka Hifadhi ya Taifa ya Saadan na Vijiji vya kata hiyo, Mheshimiwa Mbunge aliwakumbusha wananchi ahadi aliyoitoa Rais Dkt. John Magufuli kipindi cha kampeni na sasa utekelezaji wa ahadi hiyo umeanza, hivyo mbunge alitumia nafasi hiyo kuwaondoa wasiwasi wananchi hao.

Aidha, akiwaondoa hofu Wananchi hao  Ridhiwani aliwakumbusha kuwa Rais Dkt. John Magufuli anavifahamu vijiji vinavyozungumza hifadhi na  alishataja baadhi ya Vijiji vilivyo kwenye hifadhi ambavyo vitarasimishwa kwa Wananchi wakati alipokuwa Msata kwenye Kampeni hivyo kwa sasa watulie kusubiri Serikali itoe majibu.

"Rais Dkt. Magufuli alivitaja baadhi ya vijiji ambavyo vipo pembezoni mwa hifadhi ambavyo ni Matipwili, Saadan,Gongo, Mandamazingara. Pamoja na kuvitaja vijiji  hivyo niwa hakikiahie kuwa mimi niwahakikishie kuwa Rais Magufuli na hili litatendeka kama yalivyofanikishwa mengine mengi." Alieleza Mbunge Ridhiwani Kikwete.

Katika hatua nyingine Akijibu hoja ya kero hizo pia,  Mbunge Ridhiwani Kikwete aliwataka Viongozi wa Vijiji na Vitongoji kukaa na Wananchi ilikujadili masuala muhimu ya kushughulikia kero hizo ambazo zingine zinaweza kutatuliwa na viongozi hao.