RAIS MAGUFULI AAGIZA KUFANYIKA MABADILIKO HALMASHAURI YA MJI IFAKARA NA HALMASHAURI YA WILAYA YA KILOMBERO

Rais Dkt. John Pombe Magufuli, amemuelekeza Waziri wa Nchi, Ofisi ya Rais, Tawala za Mikoa na Serikali za Mitaa (TAMISEMI) Mhe. Selemani Jafo kufanya mabadiliko kwa Halmashauri ya Mji wa Ifakara na Halmashauri ya Wilaya ya Kilombero, zilizopo katika Mkoa wa Morogoro kama ifuatavyo;

1.    Halmashauri ya Mji wa Ifakara iongezwe idadi ya Kata, kutoka Halmashauri ya Wilaya ya Kilombero.

Makao Makuu yawe Ifakara Mjini.

2.     Halmashauri ya Wilaya ya Kilombero ibadilishwe jina, na iitwe Halmashauri ya Wilaya ya Mlimba.

Makao Makuu yawe Mgeta kama ilivyoamuliwa na Baraza la Madiwani.

Mhe. Rais Magufuli amewasisitiza viongozi wa halmashauri kutowayumbisha wananchi na watumishi kuhusu utekelezaji wa maelekezo hayo.

Mhe. Rais Magufuli amemuagiza Mhe. Waziri Jafo kusimamia utekelezaji wa maelekezo hayo kwa mujibu wa sheria

Gerson Msigwa

Mkurugenzi wa Mawasiliano ya Rais, IKULU

Dar es Salaam

03 Novemba, 2019