MGOMBEA URAIS KWA TIKETI YA CCM RAIS DKT. MAGUFULI AZUNGUMZA NA WANANCHI WA MAGANZO, MWIGUMBI NA MASWA AKIWA NJIANI KUELEKEA BARIADI MKOANI SIMIYU

Mgombea Urais wa Chama Cha Mapinduzi (CCM) Rais wa Jamhuri ya Muungano wa Tanzania Mheshimiwa Dkt. John Pombe Magufuli akizungumza na wananchi wa Maswa mkoani Simiyu katika mikutano ya Kampeni wakati akiwa njiani kuelekea Bariadi.

Mgombea Urais wa Chama Cha Mapinduzi (CCM) Rais wa Jamhuri ya Muungano wa Tanzania Mheshimiwa Dkt. John Pombe Magufuli akizungumza na wananchi wa Mwigumbi wakati akielekea Maswa mkoani Simiyu.

Sehemu ya Wananchi wa Maswa wakishangilia mara baada ya Mgombea Urais wa Chama Cha Mapinduzi (CCM) Rais wa Jamhuri ya Muungano wa Tanzania Mheshimiwa Dkt. John Pombe Magufuli kuwasili wakati akitokea mkoani Shinyanga.

 

Mgombea Urais wa Jamhuri ya Muungano wa Tanzania kupitia CCM, Rais John Magufuli leo ametangaza ajira elfu -13 za walimu nchini.

Amemwelekeza Waziri wa Tamisemi Seleman Jafo kutangaza ajira hizo kuanzia leo ili walimu waliokosa ajira waajiriwe na wasikae nyumbani.

Aidha, Dkt. Magufuli amesema kuanzia jana wakulima wa Pamba wameanza kulipwa madeni yao, ambapo serikali imetoa zaidi ya shilingi Bilioni Moja  ili kulipa madeni yao.

Ametangaza neema hiyo leo katika Mkutano wa Kampeni za CCM uliofanyika Mjini Bariadi akiwa njiani kuelekea Bunda Mkoani Mara kuendelea na Kampeni.