MBUNGE WA JIMBO LA CHALINZE RIDHIWANI KIKWETE AKAGUA UJENZI WA MADARASA

Mbunge Jimbo Chalinze, Ridhiwani Kikwete akishiriki zoezi la kuchimba msingi unaotarajiwa kujengwa jengo la madarasa mawili yatakayosaidia kupokea wanafunzi kwa mwaka mpya wa masomo katika shule ya sekondari ya Kiwangwa.

Mbunge Jimbo la Chalinze, Ridhiwani Kikwete  amesema muda wa kazi ni sasa, hakuna kulala wala likizo ilikuwatumikia watanzania wanyonge.

Ridhiwani ambaye amekuwa katika shughuli mbalimbali za Kijimbo, ambapo tarehe 27 Desemba 2020 licha ya kuwa ni siku ya mapumziko,  ameweza kufanya ziara ikiwemo kukagua shule za Sekondari zaidi ya 6 pamoja na ukaguzi wa soko la kisasa linalojengwa Bwilingu-Chalinze Mjini.

 

Mbunge Jimbo Chalinze, Ridhiwani Kikwete akiwa pamoja na watendaji wengine wakiangalia msingi unaotarajiwa kujengwa jengo la madarasa mawili yatakayosaidia kupokea wanafunzi kwa mwaka mpya wa masomo katika shule ya sekondari ya Chalinze.

Awali akikagua soko hilo na kujionea maendeleo yake pia aliweza kuonana na baadhi ya  wafanyabiashara wakiwemo Jumuiya ya wachinjaji kuku na nyama.

"Mkandarasi ametuhakikishia ujenzi unaendelea vizuri na  kwa kasi. Pia nimepata kukagua vizimba vyake katika soko hili ambalo litakuwa kitega uchumi ndani ya Halmashauri yetu.

Soko hili ni moja ya utekelezaji wa ilani ambao unakwenda sio tu kuupa sura mji wa Chalinze lakini unakwenda kubadilisha na maisha ya watumiaji wa soko na njia tunazofanya biashara". Alisema Ridhiwani Kikwete.

Mbunge Jimbo Chalinze, Ridhiwani Kikwete akiwa pamoja na watendaji kutoka Halmashauri ya Chalinze wakikagua bweni la kisasa la wanafunzi wa kiume shule ya sekondari Msata.

Mbali na ukaguzi wa soko hilo, pia Ridhiwani Kikwete amefanya ziara ya kukagua utekelezaji wa Ilani na Maagizo ya viongozi kuhusu mustakabali wa Tanzania ya agenda ya Elimu huku akiambatana  na Watendaji wa Idara ya Elimu Sekondari na Mkurugenzi wa Halmashauri ya Chalinze, Ramadhani Possi.

"Tumetembelea shule 6 ikiwemo shule ya sekondari Chalinze, Chahua,Msata, Kiwangwa, Changalikwa, Rupungwi na Mandela wasichana.

Mbunge Jimbo la Chalinze, Ridhiwani Kikwete akishuhudia  nguzo za jengo la soko la kisasa linalojengwa Bwilingu-Chalinze Mjini wakati wa ziara hiyo 27 Desemba 2020

Mbunge Jimbo la Chalinze, Ridhiwani Kikwete (kushoto) akiteta jambo na Mkurugenzi wa Halmashauri ya Chalinze, Ramadhani Possi mbele ya majengo ya madarasa mawili yanayojengwa shule ya sekondari Rupungwi-Kata ya Mandela wakati wa ziara hiyo 27 Desemba 2020


"Tumeshuhudia maendeleo makubwa yaliyokwisha fanyika ikiwemo ujenzi  wa madarasa, mabweni na ofisi za walimu" Alisema Ridhiwani Kikwete na kuongeza:

Pamoja na hayo Mbunge ameshuhudia ujenzi wa madarasa 17 unaoendelea katika maeneo mbalimbali yanayotaraji kukamilika kabla ya tarehe 17 ili yawe tayari kutumiwa katika mwaka mpya wa Elimu.

Ziara ya Mbunge inaendelea katika Kata mbalimbali.