SERIKALI imefungua milango ya ushirikiano wa kibiashara na kiuchumi kati ya Tanzania na Marekani kupitia Sekta Binafsi ili kuchochea biashara kupitia uwekezaji ikiwa ni utekelezaji wa mazungumzo kati ya Marais wa nchi hizo mbili yaliyofanyika hivi karibuni mjini Washington DC.

Katibu Mkuu anayeshughulikia masuala ya Biashara wa Marekani Bi. Marisa Lago, akipokea zawadi ya moja ya vivutio vinavyopatikana nchini Tanzania (Mlima Kilimanjaro), kutoka kwa Waziri wa Fedha na Mipango, Mhe. Dkt. Mwigulu Lameck Nchemba (Mb) na Waziri wa Uwekezaji, Viwanda na Biashara, Mhe. Dkt. Ashatu Kijaji (Mb), jijini Dodoma

Waziri wa Fedha na Mipango Mhe. Dkt. Mwigulu Lameck Nchemba (Mb), akielezea jitihada za Serikali kuboresha mazingira ya ukusanyaji wa mapato, wakati wa Mkutano na Katibu Mkuu anayeshughulikia masuala ya Biashara wa Marekani, Bi. Marisa Lago, jijini Dodoma. Kulia ni Waziri wa Uwekezaji, Viwanda na Biashara, Mhe. Dkt. Ashatu Kijaji (Mb).

Katibu Mkuu anayeshughulikia masuala ya Biashara wa Marekani Bi. Marisa Lago, akiipongeza Serikali kwa jitihada za kuimarisha uchumi, wakati wa Mkutano na Waziri wa Fedha na Mipango, Mhe. Dkt. Mwigulu Lameck Nchemba (Mb) na Waziri wa Uwekezaji, Viwanda na Biashara, Mhe. Dkt. Ashatu Kijaji (Mb) (hayupo pichani), jijini Dodoma.

Katibu Mkuu wa Wizara ya Fedha na Mipango, Dkt. Natu Mwamba, akifurahia jambo na Naibu wake, Bi. Amina Khamis Shaabani, kabla ya Mkutano kati Waziri wa Fedha na Mipango, Mhe. Dkt. Mwigulu Lameck Nchemba (Mb), Waziri wa Uwekezaji, Viwanda na Biashara, Mhe. Dkt. Ashatu Kijaji (Mb) na Katibu Mkuu anayeshughulikia masuala ya Biashara wa Marekani, Bi. Marisa Lago (hawapo pichani), jijini Dodoma.

Mkutano kati ya Waziri wa Fedha na Mipango Mhe. Dkt. Mwigulu Lameck Nchemba (Mb), Waziri wa Uwekezaji, Viwanda na Biashara, Mhe. Dkt. Ashatu Kijaji (Mb) na Katibu Mkuu anayeshughulikia masuala ya Biashara wa Marekani, Bi. Marisa Lago, katika ukumbi wa Wizara hiyo, jijini Dodoma.

Waziri wa Fedha na Mipango Mhe. Dkt. Mwigulu Lameck Nchemba (Mb) (wa nne kushoto), na Waziri wa Uwekezaji, Viwanda na Biashara Mhe. Dkt. Ashatu Kijaji(Mb) wakiwa katika picha ya pamoja na Katibu Mkuu anayeshughulikia masuala ya Biashara wa Marekani, Bi. Marisa Lago (wa tatu kulia), jijini Dodoma. Wengine ni Katibu Mkuu wa Wizara ya Fedha na Mipango, Dkt. Natu Mwamba (kulia), Naibu wake, Bi. Amina Khamis Shaabani (wa pili kushoto) na Afisa Mwandamizi wa Biashara katika Ubalozi wa Marekani nchini Tanzania, Bw. Ken Walsh, jijini Dodoma

 

BILIONI 14 ZAJENGA SHULE MPYA 11 NA VITUO VYA AFYA 12 RUVUMA

 SERIKALI ya Awamu ya sita inayoongozwa na Rais Dkt.Samia Suluhu

Hassan imetoa zaidi ya shilingi bilioni 14 kujenga shule mpya za sekondari

11 na vituo vya afya 12 mkoani Ruvuma.

 

Mkuu wa Mkoa wa Ruvuma Kanali Laban Thomas amesema Mkoa

umefanikiwa kujenga shule hizo mpya katika Halmashauri zote nane za

Mkoa wa Ruvuma kwa gharama ya shilingi Bilioni 7.7.

 

“Ujenzi huu unajumuisha shule ya Mkoa ya Wasichana inayojengwa eneo

la Migelegele Kata ya Lwinga katika Halmashauri ya Wilaya ya Namtumbo

kwa gharama ya shilingi bilioni nne’’,alisema Kanali Thomas.

Hata hivyo amesema Mkoa umefanikiwa kujenga vyumba vya madarasa

792 elimu msingi na sekondari yakijumuisha madawati, viti na meza kwa

gharama ya Shilingi Bilioni 14.93

 

Kwa mujibu wa Kanali Thomas,Mkoa umefanikiwa kujenga mabweni

matano ya wanafunzi wa shule za msingi na sekondari kwa gharama ya

shilingi Milioni 640 na kwamba Mkoa ulipokea fedha kiasi shilingi milioni

400 kwa ajili ya ukamilishaji wa Maabara 23 za Shule za Sekondari kupitia

fedha za Tozo na Serikali Kuu.

Akizungumzia kuhusu sekta ya Afya na Ustawi wa Jamii,Kanali Thomas

amesema Mkoa wa Ruvuma umefanikiwa kujenga Vituo vya Afya 12

kupitia fedha za Tozo na Serikali Kuu kwa gharama ya zaidi ya shilingi

bilioni 7.8.

Ameongeza kuwa Mkoa umefanikiwa kujenga nyumba tisa za watumishi

wa Afya kwa gharama ya shilingi Milioni 856 na kwamba Mkoa

 

umefanikiwa kujenga majengo matatu ya huduma za dharura (EMD) Kwa

gharama ya Shilingi Milioni 900.

 

Kulingana na Kanali Thomas Mkoa wa Ruvuma umefanikiwa kujenga jengo

moja la wagonjwa mahututi katika Halmashauri ya Wilaya ya Mbinga kwa

gharama ya shilingi milioni 250 na kujenga zahanati 21 kwa gharama ya

zaidi ya shilingi bilioni moja.

 

Hata hivyo amesema Mkoa wa Ruvuma unaendelea na ujenzi wa Hospitali

tano za Wilaya ya Nyasa, Halmashauri ya Wilaya ya Mbinga, Halmashauri

ya Madaba na Halmashauri ya Songea kwa gharama ya Shilingi bilioni 3.4

 

Amesema serikali pia inatekeleza mradi wa ujenzi wa Hospitali ya Rufaa ya

Mkoa awamu ya kwanza katika eneo la Mwengemshindo Manispaa ya

Songea kwa gharama ya shilingi bilioni 2.7.

 

Amesema ujenzi wa hospitali hiyo unahusisha jengo la wagonjwa wa nje

(OPD), jengo la mionzi na nyumba ya mtumishi na kuongeza kuwa hali ya

upatikanaji wa dawa, vifaa tiba na vitendanishi katika vituo vya kutolea

huduma za afya upatikanaji umeongezeka na kufikia asilimia 96.

 

 

TFS, FALME ZA KIARABU WASAINI BIASHARA YA KABONI

 

DKT. JAFO, DKT. PINDI WAMPOKEA MWANAMFALEM WA DUBAI

 

MAKAMU WA RAIS WA JAMHURI YA MUUNGANO WA TANZANIA DKT. PHILIP MPANGO AKUTANA NA MWANAMFALME WA DUBAI FEB 6 2023

Makamu wa Rais wa Jamhuri ya Muungano wa Tanzania Dkt. Philip Mpango akizungumza na Mwenyekiti wa kampuni ya Blue Carbon LLC ambaye ni  Mwanamfalme wa Dubai Mheshimiwa Sheikh Ahmed Dalmook Al Maktoum, alipofika kumsalimia  Ikulu ya Chamwino mkoani Dodoma  tarehe 06 Februari 2023.

 

Makamu wa Rais wa Jamhuri ya Muungano wa Tanzania Dkt. Philip Mpango akiwa katika picha ya pamoja na Mwenyekiti wa kampuni ya Blue Carbon LLC ambaye ni  Mwanamfalme wa Dubai Mheshimiwa Sheikh Ahmed Dalmook Al Maktoum, mara baada ya kufika  Ikulu ya Chamwino mkoani Dodoma  tarehe 06 Februari 2023.

Makamu wa Rais wa Jamhuri ya Muungano wa Tanzania Dkt. Philip Mpango akiwa katika picha ya pamoja na Mwenyekiti wa kampuni ya Blue Carbon LLC ambaye ni  Mwanamfalme wa Dubai Mheshimiwa Sheikh Ahmed Dalmook Al Maktoum pamoja na ujumbe aliofuatana nao mara baada ya kufika Ikulu ya Chamwino mkoani Dodoma  tarehe 06 Februari 2023.

 

 

Rais Mhe. Samia Suluhu Hassan akutana na Kuzungumza na Sheikh Ahmed Dalmook Al Maktoum ambaye ni Mwanafamilia wa Utawala wa Mji wa Dubai kutoka Umoja wa Falme za Kiarabu (UAE), Ikulu Chamwino Mkoani Dodoma

Rais wa Jamhuri ya Muungano wa Tanzania Mhe. Samia Suluhu Hassan akiwa kwenye mazungumzo na Mwanafamilia wa Utawala wa Dubai kutoka Umoja wa Falme za Kiarabu (UAE) aliyeambatana na Ujumbe wake Ikulu Mkoani Dodoma tarehe 06 Februari, 2023.

Rais wa Jamhuri ya Muungano wa Tanzania Mhe. Samia Suluhu Hassan akiwa kwenye picha ya pamoja na Mwanafamilia wa Utawala wa Dubai kutoka Umoja wa Falme za Kiarabu (UAE) mara baada ya mazungumzo yao, Ikulu Mkoani Dodoma tarehe 06 Februari, 2023.

Rais wa Jamhuri ya Muungano wa Tanzania Mhe. Samia Suluhu Hassan akiwa kwenye picha ya pamoja na Mwanafamilia wa Utawala wa Dubai kutoka Umoja wa Falme za Kiarabu (UAE) pamoja na ujumbe wake mara baada ya mazungumzo yao, Ikulu Mkoani Dodoma tarehe 06 Februari, 2023.

Rais wa Jamhuri ya Muungano wa Tanzania Mhe. Samia Suluhu Hassan akizungumza jambo na Mwanafamilia wa Watawala wa Dubai kutoka Umoja wa Falme za Kiarabu (UAE), Ikulu Mkoani Dodoma tarehe 06 Februari, 2023.

Rais wa Jamhuri ya Muungano wa Tanzania Mhe. Samia Suluhu Hassan akimkabidhi zawadi ya Picha ya Jengo la Kihistoria la Zanzibar, Bait el Ajaib, Mwanafamilia wa Utawala wa Dubai kutoka Umoja wa Falme za Kiarabu (UAE), Ikulu Mkoani Dodoma tarehe 06 Februari, 2023.

 

 

RAIS SAMIA ATOA SULUHU MGOGORO WA ARDHI KINGALE - KONDOA

Mkuu wa Mkoa wa Dodoma Mhe. Rosemary Senyamule akizungumza na wananchi wa Vijiji vya Kingale katika Halmashauri ya Wilaya ya Kondoa na Gereza la King'ang'a ambao wamekuwa kwenye mgogoro wa ardhi uliodumu kwa zaidi ya miongo mitatu dhidi ya eneo lenye ukubwa wa ekari 7,495.74. Mwishoni mwa wiki Rais wa Jamhuri ya Muungano wa Tanzania Mhe Dkt. Samia Suluhu Hassan, ametoa Suluhu ya mgogoro huo kwa kuzingatia mahitaji ya Wananchi.

 

Wananchi wa Vijiji vya Kingale katika Halmashauri ya Wilaya ya Kondoa na Gereza la King'ang'a wakimsikiliza Mkuu wa Mkoa wa Dodoma Mhe. Rosemary Senyamule mara baada ya kuwasilisha suluhu ya mgogoro wa ardhi uliodumu kwa zaidi ya miongo mitatu katika eneo lao. Mwishoni mwa wiki Rais wa Jamhuri ya Muungano wa Tanzania Mhe Dkt. Samia Suluhu Hassan, ametoa Suluhu ya mgogoro huo kwa kuzingatia mahitaji ya Wananchi.

RAIS SAMIA ATOA SULUHU MGOGORO WA ARDHI KINGALE - KONDOA 

 

Rais wa Jamhuri ya Muungano wa Tanzania Mhe Dkt. Samia Suluhu Hassan, ametoa Suluhu kwenye mgogoro wa ardhi uliodumu kwa zaidi ya miongo mitatu dhidi ya eneo lenye ukubwa wa ekari 7,495.74 lililopo katika Vijiji vya Kata ya Kingale katika Halmashauri ya Wilaya ya Kondoa na Gereza la King'ang'a ambalo ni eneo lenye rutuba kwa shughuli za kijamii za uzalishaji.

 

Suluhu hiyo imewasilishwa na Mkuu wa Mkoa wa Dodoma Mhe. Rosemary Senyamule kwa niaba ya Mhe. Rais na ameitoa mbele ya wananchi wa Kata hiyo wakiwa na viongozi wao.

 

"Ardhi yote ni mali ya Serikali, Waziri wa Mambo ya Ndani ya Nchi alipofika hapa alifikisha hili jambo kwa Mhe Rais aamue na Rais ametoa suluhu kwa Wanakingale. Amesema eneo lenye mgogoro la ukubwa wa ekari 7,495.74, ekari 3,272.4 zibaki kwa wananchi watumie kwa shughuli za kilimo, mifugo na za kiuchumi na Magereza watachukua ekari zilizobaki" amesema Mhe. Senyamule

 

Mbali na kuwasilisha utatuzi pia Mhe  Rais ameagiza mambo kadhaa yafanyike katika eneo hilo; "Mhe. Rais ameagiza kuwa ndani ya mwezi mmoja, watu wa ardhi waje kuonyesha utaratibu wa maeneo yaliyogawanywa, yapimwe na alama ziwekwe zinazoonekana kwa kila mmoja. Vijiji tuendelee kutunza mipaka kuzuia mwingiliano wa matumizi, Magereza pia mtunze mipaka, wananchi wapo upande wa Bonde linalofaa kwa umwagiliaji. Wizara ya Kilimo mfanye utaratibu wa kujenda mabwawa kwa ajili ya umwagiliaji, mifungo pia mjenge majosho kwa ajili ya kuosha mifungo ya wananchi" Ameongeza Mhe. Senyamule

 

Kadhalika, Mkuu wa Mkoa amewataka wananchi hao kufanya maendeleo kwa kushirikiana na Magereza kwani mgogoro umekwisha hivyo kutokana na miundombinu itakayojengwa kwenye eneo hilo, itawawezesha kupiga hatua kubwa kwa haraka na kumfanya Mhe. Rais kujivunia kuwapatia eneo hilo.

 

Naye Mbunge wa Jimbo la Kondoa Mji Mhe. Ally Makoa amesema mapendekezo ya ya kupatiwa eneo waliloomba kutoka kwenye mpaka wa Magereza waliyowasilisha kwa Rais, ndicho kilichoamuliwa hivyo wananchi hao wataendelea kutumia eneo lao la mashamba huku Magereza nao wakibaki na eneo lao. Hakusita kutoa pongezi zake kwa Mhe. Rais Dkt. Samia Suluhu Hassan kwa kuleta wataalamu kutoka Wizarani kwa ajili ya kujenga miundombinu kwenye eneo hilo pamoja na kuridhia mapendekezo ya wananchi.

 

MAKAMU WA RAIs AFANYA MAZUNGUMZO NA WAANDISHI WA KITABU CHA UONGOZI WA RAIS SAMIA