UTENDAJI KAZI BARAZA LA TAIFA LA UWEZESHAJI WANANCHI KIUCHUMI WAMKOSHA WAZIRI WA VIWANDA NA BIASHARA

Na Said Mwishehe,Michuzi TV

Waziri wa Viwanda na Biashara Innocent Bashungwa amesema amefurahishwa na utendaji kazi wa Baraza la Taifa la Uwezeshaji Wananchi Kiuchumi ( NEEC) huku akishauri baraza hilo kuona namna kushirikiana na Wizara ya Viwanda na Biashara katika kueleta maendeleo kwa Watanzania.

Bashungwa ameyasema hayo jana jijini Dar es Salaam baada ya kutembelea mabanda mbalimbali katika maonyesho ya 43 ya biashara,Sabasaba yanayoendelea katika viwanja vya Mwalimu Nyerere Dar es Salaam.

"Nimefurashwa na kazi ambazo baraza hili linafanya , hata hivyo nataka kuona mnashirikiana na Wizara ya Viwanda na Biashara kwa kukaa pamoja kuangalia namna gani mnaweza kuwasaidia watanzania,"amesema Waziri Bashungwa

Kwa upande wake Ofisa Mwezeshaji Mawasiliano wa mawasiliano kwa Umma Kutoka Baraza la Taifa la uwezeshaji wananchi kiuchumi Edward Kessy amefafanua kuwa baraza hilo ni taasisi ya Serikali iliyoko chini ya ofisi ta Waziri Mkuu na moja ya majukumu yake nikuratibu masuala ya uwezeshaji kiuchumi wananchi na sekta binafsi.

Pia amesema ni baraza ambalo linaratibu mifuko mbalimbali ya uwezeshaji wananchi kiuchumi zaidi ya 30 na wanaofika kwenye banda lao wanasikilizwa na kuelezwa mifuko hiyo iliko na iwapo wanakero zinapatiwa ufumbuzi.

Amefafanua zaidi kuhusu baraza hilo amesema pia linasimamia miradi mikubwa ya kimkakati iliyopo nchini ikiwemo ya mradi wa ujenzi wa Reli ya kisasa na mradi wa bwawa la kufumua umeme mto rufiji ambapo wanaangalia ni kwa namna ganikanchi wanweza kunufaika na uwepo wa miradi mikubwa iliyopo nchini.

Kessy ametoa mwito kwa wananchi kutembelea Banda lao ili kujua wanafanya nini na nafasi yao.katika kushiriki kwenye uwezeshaji kiuchumi.

Akizungumzia kuhusu maonyesho hayo Kessy alisema wamefurahishwa na ushiriki wa wajasiliamali wadogo na wakati na hasa wanavyojitahidi kuboresha bidhaa zao

Amesema anatamani kuona wasiliamali wanajifunza nakuboresha zaidi bidhaa zao kupitia maonyesho hayo ili watakaporudi kwenye maeneo yao wakatatue changamoto walizoziona .

 Ofisa Mwezeshaji - Mawasiliano kwa Umma wa Baraza la Taifa la Uwezeshaji Wananchi Kiuchumi Edward Kessy akifafanua jambo kwa baadhi ya wananchi waliofika kwenye banda la baraza hilo lililopo kwenye maonesho ya 43 ya biashara yanayoendelea Sabasaba jijini Dar es Salaam

 Ofisa Mwandamizi wa Baraza la Taifa la Uwezeshaji Nyakahu Mahemba (wa pili kulia) akieleza jambo kwa moja ya wananchi waliofika kwenye banda hilo kupata maelezo kuhusu Baraza unavyofanya kazi.Kushoto ni Ofisa Mwezeshaji Mawasiliano kwa Umma kutoka baraza hilo

Ofisa Mwandamizi Mifuko ya Uwezeshaji wa Baraza la Taifa la Uwezeshaji Wananchi Kiuchumi Nyakahu Mahembe akifafanua jambo kwa moja ya wananchi waliofika kwenye banda la baraza hilo lililopo kwenye maonesho ya biashara Sabasaba jijini Dar es Salaam