WAZIRI MKUU AMWAKILISHA RAIS DKT. JOHN POMBE MAGUFULI, KWENYE UAPISHO WA RAIS WA MSUMBIJI, FILIPE NYUSI

Waziri Mkuu, Kassim Majaliwa, Januari 14, 2020 ameondoka nchini kwenda Msumbiji, ambako atamwakilisha Rais John Pombe Magufuli, kwenye uapisho wa Rais wa Msumbiji Filipe Nyusi. Kulia ni Rais Mstaafu wa Awamu ya Pili, Benjamin Mkapa, ambaye pia yupo katika msafara huo. (Picha na Ofisi ya Waziri Mkuu)

Waziri Mkuu, Kassim Majaliwa, akisalimiana na Rais Mstaafu wa Awamu ya Pili, Benjamin Mkapa, wakati akiondoka nchini, katika uwanja wa Julius Nyerere, kuelekea Msumbiji kumwakilisha Rais John Pombe Magufuli, kwenye uapisho wa Rais wa Msumbiji Filipe Nyusi. Januari 14, 2020. (Picha na Ofisi ya Waziri Mkuu)

WAZIRI DKT. KALEMANI AKAGUA TENA UTEKELEZAJI WA MRADI WA UMEME WA MAJI WA JULIUS NYERERE MW 2115, AAGIZA WAKANDARASI KUHAKIKISHA WAFANYAKAZI WAO WOTE WANAHAMIA ENEO LA MRADI

NA MWANDISHI WETU, RUFIJI

Waziri wa Nishati Dkt. Medard Kalemani, amefanya ziara ya kikazi kukagua maendeleo ya utekelezaji wa mradi wa kufua umeme wa maji wa Julius Nyerere Mw 2115 (JNHPP) uliotimiza mwaka mmoja tangu kuanza kwa utekelezaji wake. Dkt. Kalemani ameridhishwa na hatua mbalimbali ambazo mradi huo unaotekelezwa kwenye mto Rufiji kwenye mpaka wa mikoa ya Pwani na Morogoro umefikia tangu kuanza kwa ujenzi wa mradi. 

Aidha, alitoa maagizo kwa Wakandarasi kuhakikisha Wafanyakazi wao wote wanahamia eneo la mradi, huku akitoa mwezi mmoja kwa wafanyakazi wengine wa mradi wawe wamehamia. 

"Wafanyakazi wote wakae eneo la mradi, hii itaharakisha mradi kukamilika mapema na haraka", alisema Dkt. Kalemani. Pia, alisisitiza kazi zote zinazohusu utoaji huduma zifanywe na Makampuni ya kitanzania ikiwemo Wakandarasi wasaidizi. 

Mkataba wa ujenzi mradi wa Julius Nyerere ulisainiwa Desemba 12, 2018 Ikulu Jijini Dar ea Salaam ambapo Mkandarasi alikabidhiwa eneo la mradi Februari 14, 2019 na kuanza kazi za maandalizi ya ujenzi kwa kipindi cha miezi sita, ambapo mwezi Juni 2019 alianza rasmi kazi za ujenzi. Mradi wa Julius Nyerere unatarajiwa kukamilika 14 Juni 2022

 Waziri wa Nishati Dkt. Medard Kalemani, (kushoto), akimsikiliza Mratibu wa ujenzi wa mradi wa kufua umeme wa maji wa Julius NyerereMw 2115 (JNHPP) wa mto Rufiji mkoani Pwani, Mhandisi Steven Manda wakati alipofanya ziara ya kufuatilia maendeleo ya utekelezaji wa mradi  huo.

 Dkt. Kalemani (kulia) akitoa maelekezo kwa Mkurugenzi Mtendaji wa TANESCO Dkt. Tito Mwinuka (kushoto kwa waziri), wakati wa ziara hiyo leo Januari 12, 2019.

RAIS DKT. MAGUFULI AONGOZA KIKAO CHA BARAZA LA MAWAZIRI

Rais wa Jamhuri ya Muungano wa Tanzania Dkt. John Pombe Magufuli akiongoza kikao cha Baraza la Mawaziri Ikulu  jijini Dar es salaam. Januari 14, 2020

Rais wa Jamhuri ya Muungano wa Tanzania Dkt. John Pombe Magufuli akiongoza kikao cha Baraza la Mawaziri Ikulu  jijini Dar es salaam. Januari 14, 2020

Rais wa Jamhuri ya Muungano wa Tanzania Dkt. John Pombe Magufuli akiongoza kikao cha Baraza la Mawaziri Ikulu  jijini Dar es salaam. Januari 14, 2020

RAIS MAGUFULI AWAAPISHA MABALOZI WA AFRIKA KUSINI, ZIMBABWE, NAMIBIA NA NIGERIA

Rais wa Jamhuri ya Muungano wa Tanzania Dkt. John Pombe Magufuli akizungumza baada ya kuwaapisha Mabalozi wapya  wanne walioteuliwa kuwaikilisha Tanzania katika nchi  mbalimbali walizopangiwa . Hafla iliyofanyika Ikulu  Jijini Dar es salaam. Januari 14, 2020

Rais  Dkt. John Magufuli  tarehe 14 Januari, 2020 amewaapisha Mabalozi 4 aliowateua hivi karibuni kuiwakilisha Tanzania katika nchi za Afrika Kusini, Namibia, Zimbabwe na Nigeria.

Rais wa Jamhuri ya Muungano wa Tanzania Dkt. John Pombe Magufuli akishuhudia Mabalozi wapya  wakila kiapo cha maadili kwa watumishi wa Umma  mbele ya Kamshna wa Maadili Jaji Mstaafu Haroid Nsekela mara baada ya kuwa apisha kuwaikilisha Tanzania katika nchi walizopangiwa . Hafla iliyofanyika Ikulu  Jijini Dar es salaam. Januari 14, 2020

Walioapishwa ni Mej. Jen (Mstaafu) Gaudence Salim Milanzi anayekuwa Balozi wa Tanzania Pretoria - Afrika Kusini, Dkt. Modestus Francis Kipilimba anayekuwa Balozi wa Tanzania Windhoek – Namibia, Prof. Emmanuel David Mwaluko Mbennah anayekuwa Balozi wa Tanzania Harare – Zimbabwe na Dkt. Benson Alfred Bana anayekuwa Balozi wa Tanzania Abuja – Nigeria.

Mabalozi wakila kiapo

Baada ya kuwaapisha, Mhe. Rais Magufuli amewataka kuripoti katika vituo walivyopangiwa ndani ya wiki 2 kuanzia sasa na amewasisitiza kwenda kutekeleza majukumu yao kwa mujibu wa sheria, kwa kuzingatia maslahi ya Taifa hasa kiuchumi na kuwawezesha Watanzania kupata ajira katika fursa zilizopo katika nchi hizo.

Rais wa Jamhuri ya Muungano wa Tanzania Dkt. John Pombe Magufuli akizungumza baada ya kuwaapisha Mabalozi wapya  wanne walioteuliwa kuwaikilisha Tanzania katika nchi  mbalimbali walizopangiwa . Hafla iliyofanyika Ikulu  Jijini Dar es salaam. Januari 14, 2020

Waziri wa Mambo ya Nje na Ushirikiano wa Afrika Mashariki, Mhe. Prof. Palamagamba Kabudi amewataka Mabalozi hao kufuatilia maeneo yote ambayo Mhe. Rais Magufuli alikubaliana na Waheshimiwa Marais wenzake alipotembelea nchi hizo hivi karibuni, na pia kuitangaza vyema Tanzania ambayo kwa sasa inapiga hatua kubwa katika maeneo mengi.

Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Makamu wa Rais Mhe. Samia Suluhu Hassan, Waziri Mkuu Mhe. Kassim Majaliwa pamoja na  Mabalozi wapya  wanne walioteuliwa kuwaikilisha Tanzania katika nchi  mbalimbali walizopangiwa  mara baada ya kuwaapisha Ikulu  Jijini Dar es salaam. Januari 14, 2020

Hafla ya kuapishwa kwa Mabalozi hao imefanyika Ikulu Jijini Dar es Salaam na kuhudhuriwa na viongozi mbalimbali wakiwemo Makamu wa Rais, Mhe. Samia Suluhu Hassan na Waziri Mkuu Mhe. Kassim Majaliwa Majaliwa.

 Mabalozi wapya  wakila kiapo cha maadili kwa watumishi wa Umma  mbele ya Kamshna wa Maadili Jaji Mstaafu Haroid Nsekela mara baada ya kuwa apisha kuwaikilisha Tanzania katika nchi walizopangiwa . Hafla iliyofanyika Ikulu  Jijini Dar es salaam. Januari 14, 2020

Add caption

Kabla ya kuwaapisha Mabalozi hao, Mhe. Rais Magufuli ameongoza kikao cha Baraza la Mawaziri kilichofanyika Ikulu Jijini Dar es Salaam.

Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Mabalozi wapya  wanne walioteuliwa kuwaikilisha Tanzania katika nchi  mbalimbali walizopangiwa  mara baada ya kuwaapisha Ikulu  Jijini Dar es salaam. Januari 14, 2020

Picha na Ikulu

WAGENI KUTOKA KCMC NA NCHINI MAREKANI WATEMBELEA TAASISI YA MOYO JAKAYA KIKWETE (JKCI) KWA AJILI YA KUONA HUDUMA ZA MATIBABU YA MOYO

Daktari bingwa wa upasuaji wa moyo na upandikizaji wa viungo kutoka Minneapolis Heart Institute Foundation ya nchini Marekani Vibhu Kshettry  akimsikiliza Mkuu wa Kitengo cha ubora wa huduma za matibabu ya moyo wa Taasisi ya Moyo Jakaya Kikwete (JKCI)  Dkt. Tulizo Shemu  akimwelezea kuhusu upasuaji wa moyo wa bila kufungua kifua jinsi unavyofanyika kwa kutumia mtambo wa Cathlab walipotembelea Taasisi hiyo leo kwa ajili ya kuona huduma za matibabu ya moyo zinazotolewa. Wa pili kulia ni Mkurugenzi Mtendaji wa Hospitali ya Rufaa ya kanda ya Kaskazini KCMC Dr. Gileard  Masenga ambaye aliambatana na wageni hao.

Mkurugenzi Mtendaji wa Taasisi ya Moyo Jakaya Kikwete (JKCI) Prof. Mohamed Janabi  akizungumza na wageni kutoka Hospitali ya Rufaa ya kanda ya Kaskazini  KCMC na Minneapolis Heart Institute Foundation ya nchini Marekani walipotembelea Taasisi hiyo leo kwa ajili ya kuona huduma za matibabu ya moyo zinazotolewa. Minneapolis Heart Institute Foundation ni wadau wakubwa wa Hospitali ya KCMC na hivi sasa wako katika mpango wa kutoka mafunzo kwa wataalamu wa afya pamoja na vifaa tiba kwa ajili ya uanzishwaji wa kitengo cha moyo katika Hospitali hiyo.

Mkurugenzi wa Tiba Shirikishi wa Taasisi ya Moyo Jakaya Kikwete (JKCI) Dkt. Delila Kimambo akiwaonesha wageni kutoka Hospitali ya Rufaa ya kanda ya Kaskazini  KCMC na Minneapolis Heart Institute Foundation ya nchini Marekani mashine ndogo ya kiganjani (V-Scan) ya kupima jinsi moyo unavyofanya kazi walipotembelea Taasisi hiyo leo kwa ajili ya kuona huduma za matibabu ya moyo zinazotolewa. Minneapolis Heart Institute Foundation ni wadau wakubwa wa Hospitali ya KCMC na hivi sasa wako katika mpango wa  kutoka mafunzo kwa wataalamu wa afya pamoja na vifaa tiba kwa ajili ya uanzishwaji wa kitengo cha moyo katika Hospitali hiyo.

Msimamizi wa wodi namba 3 wa  Taasisi ya Moyo Jakaya Kikwete (JKCI) Anastazia Moshi akiwaeleza  wageni kutoka Hospitali ya Rufaa ya kanda ya Kaskazini  KCMC na Minneapolis Heart Institute Foundation ya nchini Marekani maendeleo ya mgonjwa aliyefanyiwa upasuaji mkubwa wa kusimamisha moyo walipotembelea Taasisi hiyo leo kwa ajili ya kuona huduma za matibabu ya moyo zinazotolewa. Minneapolis Heart Institute Foundation ni wadau wakubwa wa Hospitali ya KCMC na hivi sasa wako katika mpango wa kutoka mafunzo kwa wataalamu wa afya pamoja na vifaa tiba kwa ajili ya uanzishwaji wa kitengo cha moyo katika Hospitali hiyo.

Dkt. John Reiling wa Minneapolis Heart Institute Foundation ya nchini Marekani akiangalia moja ya mashine zilizopo katika chumba cha wagonjwa walioko katika uangalizi maalum (ICU) katika Taasisi ya Moyo Jakaya Kikwete (JKCI) walipotembelea Taasisi hiyo leo kwa ajili ya kuona huduma za matibabu ya moyo zinazotolewa. Kulia  ni daktari bingwa wa upasuaji wa moyo wa JKCI Godwin Sharau.

Wageni kutoka Hospitali ya Rufaa ya kanda ya Kaskazini  KCMC na Minneapolis Heart Institute Foundation ya nchini Marekani wakiwa katika picha pamoja wakati wa ziara yao ya kutembelea  Taasisi ya Moyo Jakaya Kikwete (JKCI)  leo kwa ajili ya kuona huduma za matibabu ya moyo zinazotolewa.

MKEMIA MKUU KUANZISHA KANZI DATA YA VINASABA

Mamlaka ya Maabara ya  Mkemia Mkuu wa Serikali [GCLA]  ipo katika mkakati wa kuanzisha  Kanzi Data ya taifa ya  Vinasaba vya Binadamu  [DNA]  ambayo itakuwa ikitambua asili ya kila Mtanzania  na kuweza kusaidia chunguzi mbalimbali ikiwemo majanga na kupata majibu kwa kina.

Mkemia Mkuu  Dkt. Fidelice Mafumiko akizungumza na wanahanari (hawapo pichani) wakati wa ziara ya kampeni ya kutangaza mafanikio ya Serikali ya awamu ya tano inayojulikana kama 'Tunaboresha Sekta ya Afya' mapema leo Jijini Dar Es Salaam

Hayo yameelezwa na Mkemia Mkuu wa Serikali,  Dkt. Fidelice Mafumiko wakati wa ziara ya kampeni ya kutangaza mafanikio ya Serikali ya awamu ya tano inayojulikana kama ‘Tunaboresha  Sekta ya Afya’  ambapo amesema kuwa;  

Serikali ya awamu ya tano imejipanga kuhakikisha wanafikia malengo  ya kusaidia jamii katika upande huo wa vinasaba.

"Kwa sasa tupo katika mpango wa kuanzisha Kanzi Data ya Taifa ya  Vinasaba  ambapo eneo hilo kwa sasa tutaliwekea kipaumbele katika bajeti ya fedha ya mwaka huu na tayari tumeshaanza kutengeneza  mpango kazi wazo dhana ya utengenezaji wake na  itajumlisha wadau mbalimbali na Serikali kupitia Wizara ya Afya  na wadau wengine".  Alisema Mkemia Mkuu wa Serikali  Dkt. Mafumiko.

Mkurugenzi anayesimamia Idara ya Huduma ya usimamizi wa vinasaba, David Eliasi akizungumza katika tukio hilo.

Dkt. Mafumiko amebainisha kuwa, kutokana na mafanikio ya Serikali ya awamu ya tano kwa kuboresha rasilimali watu, miundombinu ya utendeajji kazi na vifaa vya kisasa ndio maana wamepewa jukumu hilo la kuanzishwa  kwa Kanzi data hiyo sambamba na kujumuisha wadau mbalimbali.

Nae Mkurugenzi anayesimamia Idara ya Huduma  ya usimamizi wa vinasaba, David Eliasi akizungumzia suala hilo la Kanzi data, amesema kuwa, Mkemia wa Serikali ndio atakuwa msimamizi na inajengwa na watanznia wenyewe  huku akiwataka watanzania  wajivunie juu ya hilo.

"Serikali ya awamu ya Tano imeweza kuongeza chachu na sasa tunajenga kanzi data ya Kitaifa ya Vinasaba na inajengwa na Watanzania wenyewe. 

Mkemia Mkuu  Dkt. Fidelice Mafumiko akizungumza na wanahanari (hawapo pichani) wakati wa ziara ya kampeni ya kutangaza mafanikio ya Serikali ya awamu ya tano inayojulikana kama 'Tunaboresha Sekta ya Afya' mapema leo Jijini Dar Es Salaam

Ni kitu cha kujivunia na timu ya Kitaifa inasimamia huu ujenzi wakiwemo Wizara ya Afya ambayo ni mlezi wetu, pia wapo  EGav- Serikali mtandao, NIDA, RITA,  NEC  na taasisi nyingi tu na wote hao wamekaa pamoja na wamekuja na dhana ya uanzishwaji wa Kanzi data hii ya Kitaifa" alisema David Eliasi.

Ameongeza kuwa kuanzishwa kwa kanzi data hiyo,  itarahisisha upatikanaji wa haraka wa majibu ya vinasaba kwani   tayari sampuli zitakuwa zinapatikana kwenye data.  

"Tutachukua muda mfupi na wa haraka zaidi. Mfano lile janga la Morogoro la moto, ndugu wa marehemu wangepatikana kupitia kanzi data hii na tungelipata  majibu kwa haraka na kwa wingi zaidi" alisema Davidi Eliasi.

Aidha, Mamlaka ya Maabara ya Mkemia Mkuu wa Serikali  imenunua mitambo tisa kwa gharama ya shilingi bilioni 9.5 kwa ajili ya kufanya uchunguzi wa kemikali, sumu, madawa ya kulevya na viambata.

Ambapo pia imeweza kusajili wadau 2426 mwaka 2019 kutoka wadau 4340 mwaka 2015/2016.

Mpaka sasa Mamlaka hiyo ya Mkemia Mkuu imeendelea kuboresha  huduma zake ikiwemo katika Kanda ya Ziwa, Kaskazini, Nyanda za Juu Kusini na maeneo mengine ya Kanda.

NEMC, MGODI WA NORTH MARA WASAINI MAKUBALIANO YA UZINGATIAJI SHERIA YA MAZINGIRA

Kaimu Katibu Mkuu Ofisi ya Makamu wa Rais, Bi Emma Lyimo (kulia) akikabidhiana nyaraka na Meneja Mkuu wa Mgodi wa North Mara, Luiz Correia mara baada ya kushuhudia utiaji saini wa mkataba baina ya Baraza la Taifa la Hifadhi na Usimamizi wa Mazingira (NEMC) na mgodi huo kwa ajili ya utekelezaji wa maagizo ya Serikali kuhusu uzingatiaji wa Sheria za nchi ikiwemo Sheria ya Usimamizi wa Mazingira ya mwaka 2004 na kanuni zake katika utekelezaji wa shughuli za migodi. Hafla hiyo imefanyika leo Januari 13, 2020 katika Ofisi za Makamu wa Rais jijini Dodoma.

Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka (kushoto) akikabidhiana nyaraka na Meneja Mkuu wa Mgodi wa North Mara, Luiz Correia baada ya utiaji saini wa mkataba baina ya NEMC na mgodi huo kwa ajili ya utekelezaji wa maagizo ya Serikali kuhusu uzingatiaji wa Sheria za nchi ikiwemo Sheria ya Usimamizi wa Mazingira ya mwaka 2004 na kanuni zake katika utekelezaji wa shughuli za migodi.

Wajumbe kutoka Mgodi wa North Mara na Baraza la Taifa la Hifadhi na Usimamizi wa Mazingira (NEMC) wakipitia nyaraka kabla ya kutiliana saini kwa mkataba baina yao kwa ajili ya utekelezaji wa maagizo ya Serikali kuhusu uzingatiaji wa Sheria za nchi ikiwemo Sheria ya Usimamizi wa Mazingira ya mwaka 2004 na kanuni zake katika utekelezaji wa shughuli za migodi.

Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka akisaini mkataba kwa ajili ya utekelezaji wa maagizo ya Serikali kuhusu uzingatiaji wa Sheria za nchi ikiwemo Sheria ya Usimamizi wa Mazingira ya mwaka 2004 na kanuni zake katika utekelezaji wa shughuli za migodi.

Mkuu wa Kitengo cha Mazingira kutoka Mgodi wa North Mara, Bw. Tunzo Msuya akisaini mkataba wa baina yao kwa ajili ya utekelezaji wa maagizo ya Serikali kuhusu uzingatiaji wa Sheria za nchi ikiwemo Sheria ya Usimamizi wa Mazingira ya mwaka 2004 na kanuni zake katika utekelezaji wa shughuli za migodi.